To flotte bustadområde med litt ulike profilar er under planlegging i Dåfjord, begge med stort fokus på miljø, terrengtilpassing og trivsel.
Områda ligg eit steinkast frå Selevik skule, nærmiljøanlegg og fleire turløyper. Dåfjord barnehage ligg også i gangavstand, ein kan faktisk ta ei av turløypene nesten heilt fram til barnehagen om ein vil. (berekn ekstra tid forbi klatrejungelen)
Ta gjerne kontakt om du har spørsmål eller er interessert i tomt/bustad.
Smieskogen
Er planlagd med solrike og lune tomter plassert kring eit stort friområde i midten. Her vert tomtene ekstra romslege, der dei fleste grensar til skog eller friområde. Utsikt både mot Stokksundet, skogen, Stordfjella i bakkant og Botnatjødno lengst framme.
Smieskogen vil bestå av både einebustadtomter og område for fleirmannsbustadar /små bustadar.
Her legg me ekstra fokus på kvalitet og heilheit.
Skulehaugane
Er det panoramautsikt med stor P ein er ute etter er Skulehaugen den rette staden. I haugane rett over skulen og kunstgrasbanen finn ein store unike utsiktstomter, nokon verkeleg ute på pynten, andre meir tilbaketrekt i livda.
Skulehaugane får som Smieskogen eit tun for fleirmannsbustadar. I Skulehaugen ynskjer me å legge ekstra tilrette med både private soner og sosiale, trivelege fellesareal og fasilitetar.
dAFJORD_UTVIKLING
Dåfjord
Dåfjord er ei idyllisk bygd i Fitjar kommune på vestsida av øya Stord i Vestland fylke.
Dåfjord har eit godt oppveksttilbod med eiga barneskule, SFO og barnehage, og sjølv om bygda ligg sjarmerande for seg sjølv kring fjorden og ut mot Stokksundet i vest, når ein alt av tjenester og tilbod innan 8-18 minuttars køyring.
Kombinasjonen fantastisk natur, eit godt oppveksttilbod, unikt samhald og fokus på utvikling har bidratt til at Dåfjorden er ein populær stad å etablere seg, spesielt for barnefamiliar. Her kan ein bu landleg i eit sosialt nabolag, med alt av servicetilbod og arbeidsplassar ein kort køyretur unna og skule og barnehage i gangsavstand.
Med det beste frå alt så det ER mogleg Dåfjordingar er over snittet stolte over plassen dei bur på.
Har du også lyst til å bu fritt og fint i ei livleg og barnevenleg bygd? Velkommen til Dåfjorden!
Du finn meir informasjon om skule, barnehage, turløyper om mykje meir på Dåfjord si eiga nettside: Dafjorden.com